عفوا أبلة نورية ..
أيدناج ..
وقفنا معاج ..
رفعنا أكفنا تحية لكي و لموقفج السابق ..
و لكن سؤال أقلق مضجعي .. صراحه قوية الكلمة !!
ما علينا ..
ما هو سبب الرفض القاطع لتأجيل بداية الدراسة الى بعد شهر رمضان ؟
حرصا على المناهج الدايخه اللي لو تأخروا فيها الطلبة و طافهم منها شي بيكون لمصلحتهم مو ضدها؟
تعنت و إصرار عنادي على الرأي؟
مخالفة المتأسليمين و المصارخين في مجلس الخمه؟ رمضان لنا كلنا مو لهم اهمه بس !
شفيها إذا تم التأخير هالجم يوم و تم تعويضهم تالي؟
فيكم خير و حرص و و و و ؟
طلبتنا عند كل إجازه رسميه قاعدين ياخذون يومين قبلها و يوم و الا يومين عقبها !
طلبتنا "معظهمهم" اذا عندهم امتحان بنفس اليوم ما يداومون ! يمتحنون و يطلعون كلهم مرضا اسم الله عليهم هاليوم !
من عمر الدنيا معروفين طلبتنا اول اسبوع دوام ماكو دراسة جديه و لا محسوب على قولتهم فماكو دوام !
قبل العيد طبعا عيب يداومون لازم 3 4 ايام يشبكونها مع العيد ! شاليه مخيم سفره نومه بالبيت !
محرم مو عطله رسيمه لكن طبعا غياب عادي مو محسوب
يوم بين عطلتين راااح فيها
و القائمه لا تنتهي بتضييع أيام الدوام و غيرها
و لا قدرتوا عليهم !
فليش يينا على رمضان و العشر الأواخر و قلنا لا ! المناهج بتتأخر ! و العام الدراسي بيتخلبط !
و الكالندر الدراسية بتعتفس ! من زينها عاد؟
أبلة نورية عذرا بس لا أرى سالفة لقرارج و إصرارج عليه !
9 comments:
يعني أنا الحديدية اللي ما تمشون كلامكم علي !
تذكرني بشجون الممثلة ما أدري ليش
:)
أنا أدوام 21-9
يعني تقريباً بالعشر الأواخر
ولا إذا دوامت المحاضرات تنعاد مره 2 بعد العيد
دوام على الفاضي
في عطلة ولا ما في
انا بعطي عطلة حق نفسي
:)))
بليز لا تذكروني
يعني الشغل فينا فينا تأجل الدوام ولا ما تأجل
انا عن نفسي من الحين قاعده استعد نفسيا لهوشة أول سنة على الفصول لأنه حضرة الأبلة الناظرة كشتت فينا و لا وزعت الفصول
ودي اصوم برمضان على راحتي لا وراي تحضير ولا يهال يبجون و لايكون فيني نوم ولا أعصابي متوترة
و الله التدريس جهاااااااااااااااد
الله يعين
بس عندي احساس انها بتوافق ان شاء الله
رمضان مرة بالسنة
وكل شي بعده يتعوض
!!
اذا كان هناك حرص على مستقبل ابنائنا
فمن باب اولى نحرص على قدرتهم على التحصيل العلمي في هذا الجو الحار
اعتقد قبل سنوات لما كان رمضان بالشتا
ووفي منتصف الكورس الاول
ماحد طالب بالتأجيل
ولكن الآان الظروف مناسبة جدا للتأجيل
فاعتقد الاصرار على عدم التأجيل قرار ماله سالفه
!!
blog 3amty
شجون؟ شقاب لي قاب؟
حياتي هدف مو عبث
و هذا اللي بيسويه الجميع
عطله بدون عطله فمادري ليش الخنبقة و اهيه تدري بباس الكويتين
دندش
واااااااااااااااااااااااااااي الله يعينج ابله !!
استكانه
حرص على مستقبل ابناءنا؟
اخر اهتماماتهم عزيزتي !
أنا أبي أفتك من لويه القرقيعان ال المدارس !؛
من له خلق تدريس و لبحه والواحد صايم
السعوديه تبي الدراسه
20 أكتوبر
بدعوا
هاهاهاهاها
Post a Comment